Ons hou verskillende tipes eredienste om op verskeie maniere mense te help om van die Lewende Water te drink. Christus noem Homself die Fontein van die lewe - wie van die water drink sal nooit weer dors het nie. Mense het die Lewende Water nodig om God te ontmoet, geestelik te groei, krag vir hulle daaglikse omstandighede te kry en toegerus te word om as gelowiges in die wêreld te lewe.
Ons hou die volgende eredienste
- Klassieke erediens – Dit is ’n tradisionele erediens in die kerk waar ons van orrelmusiek en Christelike simbole gebruik maak om die ontmoeting met God te fasiliteer.
- Informele erediens – Dit is ‘n Familiediens in die saal waar families op ’n ontspanne manier na die Woord luister, saam gesprekke voer en na meer kontemporêre musiek luister.
- Die gebedstuin agter die saal is enige tyd beskikbaar vir iemand wat net wil gaan stil word en met die Here gesels.
Nuwe Lidmate
Lidmate van die gemeente trek oor die algemeen gemaklik aan na eredienste. Die Klassieke erediens neig om meer formeel en die Loslit erediens om meer informeel te wees.
Na die Sondag 08:00 erediens word nuwe lidmate langs die fontein ontmoet en na die 10:00 diens by die preekstoel in die kerk.
